O alógrafo sigmático do grafema <z> na documentación medieval galega

Abstract

O presente contributo pretende abordar un aspecto relacioando coa transcrición e edición de documentos medievais galegos, como é o do tratamento que debe ser dado ás realizacións ou alógrafos sigmáticos do grafema <z>. Aínda que as prácticas editoriais teñen sido bastante unánimes neste sentido, optando por unha transcrición como z , consideramos que a situación, ou mellor situacións, que nos transmiten os manuscritos están lonxe de estar exentas de problemas no que a este punto se refire, pois a posibilidade de confluencia con alógrafos do grafema <s> admite, polo menos, unha reconsideración desta opción ecdótica. Esta aproximación ten en conta fundamentalmente diplomas autorizados por notarios que actuaron na cidade de Ourense ou nas terras medievais á súa volta datados nos séculos XIII, XIV e XV